اردوورلڈ کینیڈا(ویب نیوز)وزیر اعظم شہباز شریف نے کہا ہےکہ رمضان المبارک کے مہینے میں پنجاب اور خیبرپختونخوا کے ضرورت مندوں کو مفت آٹے کا تحفہ دیا جائے گا۔
اسلام آباد میں ضرورت مندوں کو آٹے کی فراہمی کے انتظامات کا جائزہ لینے کے لیے منعقدہ اجلاس سے خطاب کرتے ہوئے انہوں نے کہا کہ ملکی تاریخ میں پہلی بار غریبوں کو مفت آٹے کی فراہمی کے لیے پیکج تیار کیا گیا ہے۔
انہوں نے کہا کہ شہریوں کو فراہم کیے جانے والے آٹے کے معیار کے حوالے سے کسی قسم کی کوتاہی برداشت نہیں کی جائے گی۔ وزیراعظم نے کہا کہ حکومت غریب اور متوسط طبقے کو ریلیف فراہم کرنے کے لیے تمام تر کوششیں کر رہی ہے۔
یہ بھی پڑھیں
سستا پٹرول ، مفت آٹا،عوام کو مہنگائی سے بچانے کیلئے بڑے فیصلے کرلئے ،شہباز شریف
پنجاب میں رمضان المبارک کے دوران 15.8 ملین گھرانوں کو مفت آٹا فراہم کیا جائے گا جبکہ خیبرپختونخوا میں بھی مفت آٹا فراہم کیا جائے گا۔
ضرورت مند افراد بینظیر انکم سپورٹ پروگرام کے ذریعے تفویض کردہ ایس ایم ایس 8171 پر اپنا شناختی کارڈ نمبر بھیج کر آٹے کے تحفے کے لیے اپنی اہلیت کے بارے میں جان سکتے ہیں۔ مزید بتایا گیا کہ بلوچستان کے 50 سستا بازاروں میں آٹا بھی کم نرخوں پر دستیاب ہوگا۔
مزید پڑھیں
عوام کے ساتھ یکجہتی اور معاشی بوجھ بانٹنا کفایت شعاری کے اقدامات کی مثالیں ہیں،شہباز شریف
وزیراعظم کے مشیر احد چیمہ، نگراں وزیراعلیٰ پنجاب سید محسن نقوی، پنجاب، خیبرپختونخوا اور بلوچستان کے چیف سیکرٹریز اور یوٹیلیٹی اسٹورز کارپوریشن کے منیجنگ ڈائریکٹر نے اجلاس میں شرکت کی
