اردو ورلڈ کینیڈا ( ویب نیوز ) قومی کرکٹ ٹیم کے کپتان بابر اعظم کا نام انڈین سرٹیفکیٹ آف سیکنڈری ایجوکیشن (آئی سی ایس ای) کی نصابی کتاب کے اسپورٹس سیکشن میں شامل کیا گیا ہے۔

بھارت کی نصابی کتاب کے آٹھویں باب میں بابر اعظم کو سابق بھارتی کرکٹ لیجنڈز سچن ٹنڈولکر، ویرات کوہلی، ایم ایس دھونی، کرس گیل اور روہت شرما کے ساتھ شامل کیا گیا ہے۔

سوشل میڈیا پر گردش کرنے والی تصویر میں دیکھا جا سکتا ہے کہ کتاب میں کرکٹرز کے عرفی ناموں پر مبنی سوال لکھا گیا ہے۔کتاب میں کہا گیا ہے کہ کرکٹ بھارت کا سب سے مقبول کھیل ہے اور کرکٹرز مشہور شخصیات ہیں، کیا آپ اپنے پسندیدہ کرکٹرز کے عرفی نام جانتے ہیں؟،

سوال میں طلبا سے پوچھا گیا کہ کرکٹرز کو ان کے متعلقہ عرفی ناموں سے ملایا جائے۔سوشل میڈیا پر شیئر کی گئی تصویر میں جوابات میں بابر اعظم کا عرفی نام ‘بوبی لکھا ہوا ہے۔