اردو ورلڈ کینیڈا ( ویب نیوز)وزیراعظم شہباز شریف نے کہا ہے کہ کوئی سیاسی جماعت الیکشن سے بھاگنے والی نہیں رہی ، جو جماعت الیکشن سے بھاگے گی اس کی سیاست دفن ہو جائے گی۔

وزیراعظم شہباز شریف نے کہا کہ لائرز کمپلیکس میں سپورٹس کمپلیکس نہیں ہے تو اسے شامل کیا جائے، خواتین اور مردوں کے لیے سوئمنگ پول بھی ہونا چاہیے۔ کامیابی کے لیے جدوجہد کی، وکلا کو کسی نے پلیٹ میں رکھ کر یہ مقام نہیں دیا، انہوں نے عدلیہ کی بحالی کے لیے قربانیاں دی ہیں۔وزیر اعظم شہباز شریف نے مزید کہا ہے کہ وکلاء سے زیادہ آئین اور قانون کی جنگ کسی نے نہیں لڑی۔ ، ہم سب عدالت کا احترام کرتے ہیں، 9 رکنی بنچ بنایا گیا اور آخر کار 3 رکنی بنچ رہ گیا، چار، تین پر بحث چل رہی تھی۔
وزیراعظم نے کہا کہ فل کورٹ کا مطالبہ مان لیا جاتا تو کسی کو اختلاف نہ ہوتا، قاضی فائز عیسیٰ بنچ کا فیصلہ سرکلر کے ذریعے کالعدم کیا گیا، کوئی سیاسی جماعت الیکشن سے نہیں بھاگ رہی، جو پارٹی بھاگے گی ا س کی سیاست دفن ہو جائے گی، ہم نے اپیل دائر کر دی ہے، معلوم نہیں، سیاسی جماعتوں کو فریق نہیں بنایا گیا، ہر سٹیک ہولڈر کو اپنے گریبان میں جھانکنا ہو گا۔