اردو ورلڈکینیڈا ( ویب نیوز )تحریک انصاف کے گرفتار رہنما علی امین گنڈا پور کو ڈیرہ اسماعیل خان کی جوڈیشل مجسٹریٹ کی عدالت کے حکم پر اسلام آباد پولیس کے حوالے کر دیا گیا۔

علی امین گنڈا پور گرفتار،نامعلوم مقام پر منتقل

علی امین گنڈا پور کو پنجاب اور اسلام آباد پولیس کے حوالے کرنے کے کیس کی جوڈیشل مجسٹریٹ کی عدالت میں سماعت ہوئی، عدالت نے علی امین گنڈا پور کو اسلام آباد پولیس کے حوالے کرنے کا حکم دے دیا۔

اسلام آباد پولیس نے علی امین گنڈا پور کو سینٹرل جیل ڈی آئی خان سے حراست میں لے لیا جہاں سے انہیں اسلام آباد منتقل کیا جائے گا۔
یاد رہے کہ علی امین گنڈا پور پارتھانہ گولڑہ میں رجسٹرڈ ہے۔
دوسری جانب علی امین گنڈا پور کی اسلام آباد پولیس میں منتقلی کو سیشن کورٹ میں چیلنج کردیا گیا، پی ٹی آئی رہنما ئوں نے سیشن کورٹ میں درخواست دائر کردی۔
واضح رہے کہ علی امین گنڈا پور کو وکلا اور پولیس کے درمیان مذاکرات کے بعد پشاور ہائی کورٹ ڈیرہ اسماعیل خان بینچ کے گیٹ سے گرفتار کیا گیا تھا۔
علی امین گنڈا پور نے دھمکی آمیز آڈیو جاری کی جس پر ان کے خلاف مقدمہ درج کر لیا گیا۔