اردو ورلڈ کینیڈا ( ویب نیوز ) 4، 5، 6 یا زیادہ سے زیادہ 10 بار شادی کرنے کے بارے میں سنا ہوگا لیکن آج ہم آپ کو ایک ایسے شخص کے بارے میں بتا رہے ہیں جس نے اپنی زندگی میں 100 سے زائد لڑکیوں کی شادیاں کیں اور گنیز ورلڈ ریکارڈ اپنے نام کر لیا۔
گنیز ورلڈ ریکارڈ کے حکام کے مطابق امریکی شہری Giovanni Vigliotto نے 1949 سے 1981 کے درمیان بغیر طلاق کے 105 سے زائد خواتین سے شادی کی اور ایک ہی وقت میں سب سے زیادہ شادیوں کا گنیز ورلڈ ریکارڈ اپنے نام کیا۔
جیوانی نے 27 امریکی ریاستوں اور 14 مختلف ممالک میں 100 سے زائد شادیاں کیں، اس شخص کی تمام بیویاں ایک دوسرے سے لاعلم تھیں۔رپورٹس کے مطابق اس شخص کا اصل نام جیوانی وگلیاٹو بھی نہیں تھا، اس نے جب بھی شادی کی تو اپنا نام بدل لیا۔ تاہم، اس کی شناخت ان کی آخری بیوی نے جیوانی وگلیاٹو کے نام سے کی تھی۔
یہ بھی پڑھیں
جوبائیڈن نے دوسری بیوی کو شادی کیلئےکیسے راضی کیا ؟جانیے دلچسپ راز
غیر ملکی میڈیا رپورٹس کے مطابق دھوکے سے شادی کرنے والا یہ امریکی شہری ہر شادی کے بعد اپنی بیوی کے زیورات اور دولت لے جاتا اور اپنی بیوی سے ملنے والے زیورات کو بازار میں بیچ کر اپنی اگلی بیوی کی تلاش شروع کر دیتا۔تاہم، Giovanni Vigliato کا برا وقت اس وقت شروع ہوا جب اس کی دھوکہ دہی کی سابقہ بیوی، شیرون کلارک نے اس کے خلاف تحقیقات شروع کیں ۔
اطلاعات کے مطابق، جیوانی کو بالآخر 28 دسمبر 1981 کو گرفتار کیا گیا اور 100 سے زائد لڑکیوں کے ساتھ شادی کا جھانسہ دینے کے بعد اس پر دھوکہ دہی اور دیگر کئی الزامات عائد کیے گئے۔مقدمے کی سماعت کے دوران، Giovanni Vigliato نے انکشاف کیا کہ اس کا اصل نام نکولائی پیروکوف تھا، اس کے ساتھ ساتھ اس نے دھوکہ دہی کے لیے 50 جھوٹے نام بھی استعمال کیے تھے۔
مزید پڑھیں
بھائی سے لڑائی بہن نے موبائل فون نگل لیا
اس نے پولیس کو 105 بیویوں کے نام اور پتے بھی دیئے۔ رپورٹس کے مطابق نکولائی پیروکوف کو 34 سال قید اور 336,000 ڈالر جرمانے کی سزا سنائی گئی۔ اس نے 8 سال ایریزونا اسٹیٹ جیل میں گزارے لیکن 1991 میں 61 سال کی عمر میں برین ہیمرج کے باعث انتقال کر گیا ۔
