اردو ورلڈ کینیڈا ( ویب نیوز ) دبئی میں بین الاقوامی ٹورازم ایکسپو ‘عربیہ ٹریول مارکیٹ شروع ہو گئی ہے جبکہ پاکستان پہلی بار اس نمائش میں شرکت کر رہا ہے۔ایکسپو میں پاکستان پویلین توجہ کا مرکز بن گیا، پاکستان پویلین کا افتتاح مشیر برائے سیاحت عون چوہدری نے کیا۔

ایکسپو میں سفیر پاکستان فیصل نیاز ترمذی اور قونصل جنرل حسن افضل خان نے بھی شرکت کی۔

اس موقع پر عون چوہدری کا کہنا تھا کہ پاکستان سیاحت سے ایک ارب ڈالر کماتا ہے جب کہ اب سیاحت سے پانچ ارب ڈالر کمانے کا منصوبہ ہے، اسکردو کو انٹرنیشنل ایئرپورٹ بنانے کی تیاریاں مکمل ہیں۔اس کے علاوہ پاکستان کی دس سے زائد سیاحتی کمپنیوں نے نمائش میں شرکت کی۔واضح رہے کہ نمائش میں 160 ممالک اپنی سیاحت کی صنعت کو فروغ دینے کے لیے موجود ہیں۔