اردو ورلڈ کینیڈا ( ویب نیوز)پاکستان تحریک انصاف کے چیئرمین اور سابق وزیراعظم عمران خان کو آج اسلام آباد پولیس لائن ہیڈ کوارٹر H-11 میں پیش کیا جائے گا۔
ذرائع کے مطابق پی ٹی آئی چیئرمین کو آج جوڈیشل کمپلیکس کے بجائے اسلام آباد پولیس لائن ہیڈ کوارٹر H-11 میں پیش کیا جائے گا اور عدالت پولیس لائن گیسٹ ہاؤس میں ہو گی۔

عمران خان کو رینجرز نے گرفتار کرلیا

خیال رہے کہ قومی احتساب بیورو (نیب) نے گزشتہ روز سابق وزیراعظم کو القادر ٹرسٹ کیس میں گرفتار کیا تھا اور انہیں رینجرز کی مدد سے اسلام آباد ہائی کورٹ کے احاطے سے گرفتار کیا گیا تھا۔
توشہ خانہ کیس میں عمران خان پر آج فرد جرم عائد کی جائے گی اور انہیں یہاں احتساب عدالت کے جج کے روبرو پیش کیا جائے گا۔
اس سلسلے میں توشہ خانہ اور نیب کے مقدمات کی سماعت کرنے والے ججز پولیس لائن گیسٹ ہاؤس جائیں گے اور حکام نے دونوں عدالتوں کو منتقل کرنے کا نوٹیفکیشن بھی جاری کر دیا ہے۔
اس سے قبل عمران خان کو ایف ایٹ، کورٹ کمپلیکس اسلام آباد اور جوڈیشل کمپلیکس جی 114 اسلام آباد میں پیش کیا جانا تھا۔
دوسری جانب ذرائع کا دعویٰ ہے کہ چیئرمین پی ٹی آئی کو پولیس لائن گیسٹ ہاؤس منتقل کر دیا گیا ہے اور نیب کی درخواست پر جسمانی ریمانڈ کی صورت میں وفاقی حکومت کی جانب سے پولیس لائن گیسٹ ہاؤس کو سب جیل کا درجہ دے دیا گیا ہے۔ عمران خان کو وہیں رکھا جائے گا۔
ڈپٹی ڈائریکٹر نیب میاں عمر کی سربراہی میں تین رکنی ٹیم وہاں عمران خان سے بھی تفتیش کرے گی