اردو ورلڈ کینیڈا ( ویب نیوز )پی ٹی آئی سندھ کے صدر اور سابق وفاقی وزیر علی زیدی نے کہا ہے کہ میرے پی ٹی آئی چھوڑنے کی جھوٹی افواہیں پھیلائی جارہی ہیں، مجھے کالے قانون ایم پی او کے تحت گرفتار کیا گیا۔

اپنے ویڈیو پیغام میں علی زیدی کا کہنا تھا کہ ‘میری والدہ کے گھر کو 30 دن کے لیے سب جیل قرار دیا گیا ہے، بدقسمتی سے کچھ دوست اس جال میں آکر جھوٹی سازشی تھیوریوں کا فریق بن جاتے ہیں

جمعرات کو مرید کے میں جلسہ ہر صورت ہوگا،حکومت کیلئے دفعہ 144 نہیں تو ہمارے لئے کیوں ہے،عمران خان

علی زیدی نے مزید کہا کہ ‘میں نہیں چاہتا کہ میرے ساتھ جو کچھ اسیری کے دنوں میں ہوا وہ ان کے ساتھ بھی ہو۔ میرے خلاف غلط معلومات پھیلانے کے لیے منظم پروپیگنڈہ کیا جا رہا ہے۔ 15 اپریل سے 15 مئی تک میں نے زیادہ تر وقت حراست میں گزارا،مجھے دو بار گرفتار کیا گیا اور ابھی تک گھر میں نظر بند ہوں
انہوں نے کہا کہ اس وقت ہم سب کو پاکستان کو کرپٹ اور جرائم پیشہ افراد سے بچانے پر توجہ دینی چاہیے، پی ٹی آئی اس وقت جمہوریت کی بقا کی جنگ لڑ رہی ہے، اس وقت قانون اور آئین نہیں مجرموں کی حکومت ہے۔ .
علی زیدی نے کہا کہ تمام تر مشکلات کے باوجود چیئرمین عمران خان کا وفادار رہوں گا، زرداری، نواز اور فضل الرحمان زہریلے سانپ ہیں، پی ٹی آئی ان کے خلاف جنگ جاری رکھے گی۔