اردو ورلڈ کینیڈا ( ویب نیوز ) اٹلی میں طوفانی بارشوں سے 20 سے زائد دریائوں میں طغیانی آگئی ہے جس سے 13 افراد ہلاک اور ہزاروں بے گھر ہوگئے ہیں۔

میڈیا رپورٹس کے مطابق اٹلی کے شمالی علاقے ایمیلیا روماگنا، بولوگنا، ریوینا، امولا سمیت دیگر علاقے بارشوں سے شدید متاثر ہوئے ہیں۔

یہ بھی پڑھیں

اٹلی میں طوفانی بارشیں، 9 افراد ہلاک

انتظامیہ کے مطابق قدرتی آفت کے باعث 13 افراد جاں بحق ہو چکے ہیں جب کہ 13 ہزار کے قریب لوگ اپنا گھر بار چھوڑنے پر مجبور ہو گئے ہیں۔دوسری جانب بارش کے باعث لینڈ سلائیڈنگ بھی ہوئی ہے جس کی وجہ سے کئی دیہات میں کیچڑ اور پانی جمع ہوگیا ہے۔

انتظامیہ کی جانب سے مزید بتایا گیا ہے کہ فائر فائٹرز کی مدد سے شدید متاثرہ علاقوں سے لوگوں کو نکالنے کا عمل جاری ہے جب کہ قدرتی آفت سے ملک کو شدید نقصان پہنچا ہے۔