اردو ورلڈ کینیڈا ( ویب نیوز)  شہباز شریف نے ترکی میں صدر رجب طیب اردوان کی حلف برداری کے موقع پر مختلف ممالک کے رہنماؤں سے ملاقاتیں کی ہیں۔
وزیر اعظم نے ترکی کے سابق نائب وزیر اعظم اور MHP پارٹی کے چیئرمین Devlet Mehceli سے ملاقات کی، انہوں نے صدر ایردوان کو انتخابات میں کامیابی پر مبارکباد دی۔

وزیر اعظم شہباز شریف سے جمہوریہ کوسوو کے صدر جوسا عثمانی سدیرو نے بھی ملاقات کی ہے، دونوں رہنماؤں نے دوطرفہ تعلقات اور مختلف شعبوں میں تعاون کو فروغ دینے کی خواہش کا اظہار کیا۔اس موقع پر وزیراعظم نے ایران کے پہلے نائب صدر محمد مخبر سے ملاقات کی۔
وزیراعظم نے کہا کہ ایران اور پاکستان کے درمیان بارٹر ٹریڈ خوش آئند پیش رفت ہے، بارڈر مارکیٹ سے دونوں ممالک کے عوام کو فائدہ ہوگا۔
علاوہ ازیں وزیر اعظم شہباز شریف سے ازبکستان کے صدر شوکت مرزائیف نے بھی ملاقات کی۔ ملاقات میں خطے میں تعلقات کے فروغ اور مختلف شعبوں میں دوطرفہ تعاون بڑھانے پر تبادلہ خیال کیا گیا۔
واضح رہے کہ وزیراعظم شہباز شریف 2 روزہ دورے پر ترکی میں ہیں، جہاں انہوں نے ترک صدر رجب طیب اردوان کی تقریب حلف برداری میں شرکت کی۔