اردو ورلڈ کینیڈا ( ویب نیوز ) آئی سی سی ورلڈ ٹیسٹ چیمپئن شپ کا فائنل کل یعنی 7 جون سے اوول میں شروع ہونے جا رہا ہے۔

ٹیسٹ چیمپئن شپ کے فائنل میں آسٹریلیا اور بھارت کی ٹیمیں مدمقابل ہوں گی۔

بھارتی ٹیم دوسری بار ٹیسٹ چیمپئن شپ کا فائنل کھیل رہی ہے، نیوزی لینڈ نے 2021 میں پہلی ٹیسٹ چیمپئن شپ کے فائنل میں بھارت کو شکست دی تھی۔رپورٹس کے مطابق جیتنے والی ٹیم کو بھاری انعامی رقم دی جائے گی، جیتنے والی ٹیم کو 1.6 ملین ڈالر جبکہ رنرز اپ کو 8 ملین ڈالر ملیں گے۔

ٹیسٹ چیمپئن شپ میں کھیلنے والی 9 ٹیموں کے لیے 3.8 ملین ڈالرز کی رقم مختص کی گئی ہے۔اگر ورلڈ ٹیسٹ چیمپئن شپ کا فائنل ڈرا، ٹائی یا ختم ہو گیا تو آسٹریلیا اور بھارت کو مشترکہ چیمپئن قرار دیا جائے گا۔ 12 جون فائنل کے لیے ریزرو ڈے ہوگا۔واضح رہے کہ آسٹریلیا کی قیادت پیٹ کمنز اور بھارت کی قیادت روہت شرما کریں گے۔