اردو ورلڈ کینیڈا ( ویب نیوز ) چین کے صوبے ہینان میں ایک 13 سالہ لڑکی کے والدین کو احساس ہوا کہ بینک میں ان کی برسوں کی بچت ختم ہو گئی اور اکاؤنٹ میں صرف آدھا چینی یوآن بچا ہے۔
معلوم ہوا ہے کہ تمام رقم ان کی بیٹی نے خرچ کی ہے جو تقریباً 63000 ڈالر بنتی ہے۔
ویڈیو گیمنگ کی جنونی بیٹی نے اپنے والدین کے کریڈٹ کارڈ کا استعمال نہ صرف ویڈیو گیمز خریدنے کے لیے کیا بلکہ گیم کے اندر موجود ورچوئل اشیا پر بھی خرچ کیا اور اپنا بینک اکاؤنٹ خالی کیا۔صرف چار مہینوں میں لڑکی نے ساری رقم خرچ کر دی اور اس کے نشانات مٹانے کے لیے فون کی ہسٹری اور بینکنگ ٹیکسٹ میسجز بھی ڈیلیٹ کرتی رہی۔ اس طرح لڑکی ایک کروڑ اسی لاکھ روپے خرچ کر چکی ہے۔
یہ بھی پڑھیں
بچوں کو موبائل فون دینے سے پہلے یہ خبر ضرور پڑھ لیں
چار ماہ تک والدین اس عمل سے لاعلم رہے جب تک کہ اسکول انتظامیہ نے اس کا انکشاف نہیں کیا۔ اسکول ٹیچر نے نوٹ کیا کہ لڑکی ویڈیو گیمز میں غیر معمولی وقت گزار رہی تھی۔ والدین کو بتایا گیا کہ کچھ گڑبڑ ہے۔ معلوم ہوا کہ لڑکی نے اپنے ہم جماعتوں کے لیے لاکھوں روپے کے گیمز بھی خریدے اور اپنے والدین کے پیسے ضائع کر دیے۔والدین نے اعتراف کیا کہ کریڈٹ کارڈ کا پاس ورڈ دینا ان کی غلطی تھی۔ اس کی بیٹی نے اعتراف کیا ہے کہ اسے گیمز کھیلنے کا بہت شوق تھا اور اس نے اپنے ناراض ساتھیوں کو خوش کرنے کے لیے ویڈیو گیمز بھی خریدے۔
