اردو ورلڈ کینیڈا ( ویب نیوز ) امریکا نے اسرائیلی حکومت سے مطالبہ کیا ہے کہ وہ مغربی کنارے میں اپنے شہریوں کی جانوں کے تحفظ کو یقینی بنائے اور اسے متنبہ کیا ہے کہ وہ علاقے میں یہودی بستیوں کو آباد کرنے سے باز رہے۔

عالمی خبر رساں ادارے کے مطابق امریکی محکمہ خارجہ کے ترجمان میتھیو ملر نے مغربی کنارے میں ہزاروں نئی ​​عمارتوں کے اجازت نامے کی منظوری پر اسرائیلی حکومت کو کڑی تنقید کا نشانہ بنایا ہے۔

امریکی محکمہ خارجہ کے ترجمان نے اسرائیل پر زور دیا کہ وہ کشیدگی کے خاتمے کے لیے فریقین کے ساتھ بات چیت کرے، ان کا کہنا تھا کہ امریکا ایسے یکطرفہ اقدامات کی مخالفت کرتا ہے جو امن کی راہ میں رکاوٹ بنیں اور فلسطین کے دو ریاستی حل کو مزید مشکل بنا دیں۔

یہ بھی پڑھیں

اسرائیل کا مقبوضہ مغربی کنارے میں یہودیوں کیلئے ہزاروں عمارتیں تعمیر کرنے فیصلہ

میتھیو ملر نے یہودی آباد کاروں کے لیے نئی عمارتوں کی منظوری پر تشویش کا اظہار کرتے ہوئے کہا کہ امریکا کو نئی بستیوں کے لیے اجازت نامے پر شدید تشویش ہے جس کی وجہ سے مغربی کنارے میں امریکی شہریوں کی جان کو خطرہ ہے۔ وائٹ ہاؤس کے ترجمان جان کربی نے بھی "العربیہ” سے گفتگو میں مغربی کنارے میں امریکیوں کی زندگیوں کو لاحق خطرے کے بارے میں کہا کہ وہ اس معاملے پر اسرائیلی حکومت سے بات کر رہے ہیں۔