196
اردوورلڈ کینیڈا ( ویب نیوز )گلگت کی عدالت نے وزیر اعلیٰ گلگت بلتستان خالد خورشید کو نااہل قرار دے دیا۔گلگت کی عدالت نے وزیراعلیٰ خالد خورشید کو جعلی ڈگری کیس میں نااہل قرار دے دیا۔
خالد خورشید کے مقابلے میں الیکشن لڑنے والے پیپلز پارٹی کے عبدالحمید اور (ن) لیگ کے رانا فرمان علی نے خالد خورشید کی ڈگری کو الیکشن کمیشن میں چیلنج کیا تھا، جس پر چیف الیکشن کمشنر نے وزیراعلیٰ کو نوٹس جاری کیا تھا۔وزیر اعلیٰ گلگت بلتستان کی ڈگری لندن سے تھی لیکن یونیورسٹی آف لندن سے اس کی تصدیق نہیں ہوئی۔
یاد رہے اس سے پہلے اپوزیشن کی جانب سے وزیر اعلیٰ کے خلاف عدم اعتماد کی تحریک بھی جمع کرائی گئی تھی
