اردوورلڈ کینیڈا ( ویب نیوز )محکمہ موسمیات نے کہا ہے کہ مغربی ہوائیں ملک کے ساحلی علاقوں میں داخل ہو گئی ہیں جس کے باعث مون سون بارشوں کا دوسرا سپیل برسنے کو تیار ہے۔

محکمہ موسمیات نے 13 سے 17 جولائی تک مون سون بارشوں کی پیش گوئی کی ہے اور اس حوالے سے الرٹ بھی جاری کر دیا گیا ہے۔
پنجاب کا موسم آئندہ چند روز تک بہتر ہونے کا امکان ہے، مون سون بارشوں کے دوسرے سپیل سے گرمی کی شدت میں کمی آئے گی۔
دوسری جانب محکمہ موسمیات کا کہنا ہے کہ کراچی میں 20 سے 21 جولائی کے بعد تیز بارش کا امکان ہے۔
محکمہ موسمیات کے مطابق شہر کا موجودہ درجہ حرارت 32 ڈگری سینٹی گریڈ ہے، آج زیادہ سے زیادہ درجہ حرارت 34 سے 36 ڈگری، کم سے کم درجہ حرارت 28 ڈگری سینٹی گریڈ رہنے کا امکان ہے۔
محکمہ موسمیات کا کہنا ہے کہ جنوب مغرب سے 22 کلومیٹر فی گھنٹہ کی رفتار سے ہوائیں چل رہی ہیں، ہوا میں نمی کا تناسب 58 فیصد ہے۔