اردوورلڈ کینیڈا ( ویب نیوز)بالی ووڈ کے دبنگ خان سپر اسٹار سلمان خان کے مداحوں کے لیے بڑی خبر، اداکار کی بلاک بسٹر فلم ‘کک کا سیکوئل بننے جا رہا ہے۔

2014 میں ‘کک سے ہدایت کاری میں قدم رکھنے والے فلمساز ساجد ناڈیا والا نے سیکوئل بنانے کی خبر کی تصدیق کردی ہے۔
ساجد ناڈیا والا کی پہلی فلم ‘کک باکس آفس پر ہٹ رہی تھی اور اس نے باکس آفس پر 200 کروڑ روپے سے زیادہ کی کمائی کی تھی۔
فلمساز نے بھارتی میڈیا سے خصوصی گفتگو میں انکشاف کیا کہ ‘کک 2’ کا اسکرپٹ لکھا جا چکا ہے تاہم اسے فائنل کیا جا رہا ہے جس میں وقت لگے گا۔
انہوں نے کہا کہ پہلے اسکرپٹ میرے ذہن میں تھا لیکن پھر لکھا گیا اور سلمان خان نے اسکرین پلے بھی سنا ہے۔
ساجد ناڈیا والا کی نئی فلم ‘بول 21 جولائی کو ریلیز ہوگی جب کہ انہوں نے ‘ہاؤس فل 5’ بنانے کا بھی اعلان کیا ہے۔