148
اردوورلڈکینیڈا ( ویب نیوز)پنجاب اور خیبرپختونخوا کے مختلف علاقوں میں موسلادھار بارش کے بعد موسم خوشگوار ہو گیا جب کہ نشیبی علاقے زیرآب آگئے۔صوبہ پنجاب کے علاقوں میانوالی، کندیاں، اٹک، کالا باغ، وان بھچراں میں بادل چھا گئے، جس کے بعد گرمی کی لہر ٹوٹ گئی، گرمی اور نمی میں کمی سے موسم خوشگوار ہو گیا جب کہ گلیاں اور نشیبی علاقے بھر گئے۔
اردوورلڈکینیڈا ( ویب نیوز)پنجاب اور خیبرپختونخوا کے مختلف علاقوں میں موسلادھار بارش کے بعد موسم خوشگوار ہو گیا جب کہ نشیبی علاقے زیرآب آگئے۔صوبہ پنجاب کے علاقوں میانوالی، کندیاں، اٹک، کالا باغ، وان بھچراں میں بادل چھا گئے، جس کے بعد گرمی کی لہر ٹوٹ گئی، گرمی اور نمی میں کمی سے موسم خوشگوار ہو گیا جب کہ گلیاں اور نشیبی علاقے بھر گئے۔
کالا باغ میں شدید بارش کے باعث سٹارم ڈرین کا بند ٹوٹ گیا۔
اٹک کے مقام پر جنڈ میں بارش سے ندی نالوں میں طغیانی آگئی، موسلادھار بارش کا پانی سڑک پر آگیاجس کے باعث دونوں جانب ٹریفک بلاک ہوگئی اور عوام کو پریشانی کا سامنا کرنا پڑرہا ہے۔
دوسری جانب خیبرپختونخوا کے شہر پشاور، چارسدہ، کرک اور گردونواح میں صبح سویرے موسلادھار بارش سے گرمی کا زور ٹوٹ گیا۔
محکمہ موسمیات کے مطابق پشاور میں بارش کا سلسلہ آئندہ 24 گھنٹے تک جاری رہنے کا امکان ہے۔
ماہرین موسمیات نے آج اسلام آباد، کشمیر، بالائی پنجاب اور خطہ پوٹھوہار سمیت خیبرپختونخوا میں بارش کی پیش گوئی کی ہے۔
محکمہ موسمیات نے الرٹ جاری کیا ہے کہ مون سون بارشوں کا نیا سلسلہ 20 سے 22 جولائی کے درمیان سندھ کو متاثر کرسکتا ہے۔
