اردو ورلڈ کینیڈ ا ( ویب نیوز ) امریکہ میں ایک 3 سالہ لڑکے نے غلطی سے اپنی ایک سالہ بہن کو گولی مار کر ہلاک کر دیا۔

غیر ملکی میڈیا کے مطابق یہ واقعہ پیر کو امریکی ریاست کیلی فورنیا میں پیش آیا جہاں ایک تین سالہ بچے کو کھیلتے ہوئے ہینڈ گن سے گولی چل گئی جس سے اس کی ایک سالہ بہن موقع پر ہی ہلاک ہوگئی۔

پولیس کے مطابق واقعے کے بعد ایک کال موصول ہوئی جس کے بعد پولیس فوری طور پر موقع پر پہنچی جہاں گولی لگنے سے بچی کی موت واقع ہوئی تھی۔پولیس کا کہنا ہے کہ بچے کو گھر میں کھیلتے ہوئے غیرمحفوظ طریقے سے رکھا ہوا ہینڈگن ملا، جس نے کھیلتے ہوئے غلطی سے بچے کو گولی مار دی اور گولی اس کی ایک سالہ بہن کو اس کے ساتھ کھیلتے ہوئے لگی۔پولیس کے مطابق بچی کی موت سر پر گولی لگنے سے ہوئی جس کے بعد اسے اسپتال منتقل کیا گیا جہاں ڈاکٹروں نے اس کی موت کی تصدیق کردی۔