اردو ورلڈ کینیڈا ( ویب نیوز ) لیبیا میں انسانی سمگلروں کے ویئر ہائوسز پر چھاپوں کے دوران 385 پاکستانیوں کو بازیاب کرالیا گیا۔

غیر ملکی خبر رساں ادارے نے بتایا کہ یہ چھاپے مشرقی لیبیا میں انسانی اسمگلروں کے ویئر ہائوسزپر مارے گئے جہاں لوگ چھپے ہوئے تھے۔

رپورٹ میں کہا گیا ہے کہ پاکستانی شہریوں کو پیر کی صبح لیبیا کے مشرقی شہر تبروک سے 8 کلومیٹر جنوب میں الخیر کے علاقے میں اسمگلروں کے گوداموں سے رہا کیا گیا۔ ان میں بچے بھی تھے، جنہیں قریبی پولیس ہیڈ کوارٹر لے جایا گیا۔ حکام کے مطابق پاکستانی تارکین وطن یورپ جانے کی نیت سے لیبیا پہنچے تھے لیکن سمگلروں نے انہیں حراست میں لے لیا اور رہائی کے لیے تاوان کا مطالبہ کیا۔