اردو ورلڈ کینیڈا ( ویب نیوز )اسلام آباد ہائی کورٹ توشہ خانہ کیس میں چیئرمین پی ٹی آئی کی 8 درخواستوں پر محفوظ فیصلہ آج سنائے گی۔اسلام آباد ہائی کورٹ توشہ خانہ کے مقدمے کی سماعت روکنے سمیت چیئرمین پی ٹی آئی کی 8 درخواستوں پر فیصلہ آج سنائے گی

، جس میں توشہ خانہ فوجداری کیس کی سماعت ہونے یا نہ ہونے سمیت اہم امور پر فیصلہ کیا جائے گا۔
دوسری جانب سپریم کورٹ نے توشہ خانہ ٹرائل فوری روکنے کی پی ٹی آئی چیئرمین کی درخواست مسترد کردی۔
علاوہ ازیں 190 ملین پاؤنڈز سکینڈل میں نیب نے چیئرمین پی ٹی آئی کو آج نیب راولپنڈی آفس طلب کر لیا ہے جب کہ نیب نے القادر ٹرسٹ کو فنڈز فراہم کرنے والوں کی تفصیلات بھی طلب کر لی ہیں۔