اردوورلڈ کینیڈا ( ویب نیوز )اسلام آباد ہائی کورٹ میں چیئرمین پاکستان تحریک انصاف (پی ٹی آئی) عمران خان کی اٹک جیل سے اڈیالہ جیل منتقلی کے لیے درخواست دائر کر دی گئی۔
اسلام آباد ہائی کورٹ میں چیئرمین پی ٹی آئی کے وکیل نعیم حیدر پنجوٹھہ کی جانب سے عمران خان کو اڈیالہ جیل منتقل کرنے کے لیے درخواست دائر کر دی گئی۔

نعیم پنجوٹھا کی جانب سے دائر درخواست میں استدعا کی گئی ہے کہ چیئرمین پی ٹی آئی کو جیل میں اے کلاس فراہم کی جائے، چیئرمین پی ٹی آئی کی قانونی ٹیم کو جیل میں ملاقات کی اجازت دی جائے۔
درخواست میں یہ بھی استدعا کی گئی ہے کہ عمران خان کو ان کے ذاتی معالج، خاندان کے افراد اور پارٹی کے سینئر رہنماؤں سے ملاقات کی اجازت دی جائے۔
یاد رہے کہ چیئرمین پی ٹی آئی کو دو روز قبل توشہ خانہ کیس میں 3 سال قید اور ایک لاکھ روپے جرمانے کی سزا سنائی گئی تھی۔