اردوورلڈ کینیڈا( ویب نیوز)عوامی مسلم لیگ کے سربراہ اور سابق وفاقی وزیر داخلہ شیخ رشید احمد نے کہا کہ نگران وزیراعظم کی تقرری پر پی ڈی ایم کا دل خون کے آنسو رو رہا ہے اور 13 جماعتیں شرم سے ایک دوسرے کی طرف دیکھ رہی ہیں۔ .
سماجی رابطے کی ویب سائٹ ایکس پر اپنے پیغام میں شیخ رشید کا کہنا تھا کہ مبارکباد دینے کی ہمت بھی نہیں اور ایک دوسرے سے پوچھ رہے ہیں یہ کیسے ہوا، 16 ماہ سے نااہل، نکھٹو۔ حکومت کو جس ذلت سے گزرنا پڑا وہ بھی تاریخ کا حصہ ہے
نگران وزیر اعظم کے نام پر PDMکے دل کے آرمان آنسوؤں میں بہہ گئےاور 13پارٹیاں شرمائی شرمائی ایک دوسرے کی طرف دیکھ رہی ہیں اور مبارکباد دینے کی بھی ہمت نہیں ہے اور کٹی ہوئی پتنگ کی طرح ایک دوسرے سے پوچھ رہے ہیں کہ یہ کیا ہوا یہ کیسے ہوا 16مہینے کی نااہل نالائق نکمی نکھٹو مہنگائی…
— Sheikh Rashid Ahmed (@ShkhRasheed) August 15, 2023
سابق وفاقی وزیر نے کہا کہ اب میں پاکستان کے اداروں سے درخواست کرنا چاہتا ہوں کہ دنیا کا کون سا ملک ایسا ہے کہ ہنگامی حالات میں 14 اگست کو یوم آزادی کے موقع پر راولپنڈی میں آرٹیکل 144 کا نفاذ کیا جائے اور وہ علاقے جہاں تمام فوجی موجود ہوں۔ اس شہر میں جہاں اداروں کے ہیڈ کوارٹر ہیں وہاں رات کو بجلی کاٹ دی جائے اور لوگوں کو گرفتار کر کے تھانوں میں بند کیا جائے
انہوں نے کہا کہ اداروں کو چاہیے کہ وہ ان مقامات کی تحقیقات کریں جہاں خواتین اور بچوں کو ان کے گھروں سے اٹھایا جاتا ہے اور پاکستان میں نفرت کے جو بیج بوئے جا رہے ہیں اس کے کوئی اچھے نتائج برآمد نہیں ہوں گے اور نتائج خطرناک ہو سکتے ہیں۔ گزشتہ روز وزیراعظم کی رسمی تاجپوشی میں پاکستان کی سیاسی جماعت کا کوئی سربراہ موجود نہیں تھا۔
عوامی مسلم لیگ کے سربراہ کا مزید کہنا تھا کہ نگراں وزیراعظم کی تقرری پر سب ایک دوسرے کی طرف دیکھ رہے ہیں کہ کیا ہوا اور تبصرے سے بھی گریز کر رہے ہیں کیونکہ ان میں ہمت نہیں،۔
