اردوورلڈ کینیڈا ( ویب نیوز )لاہور ہائیکورٹ نے 3 ایم پی اوز کی نظر بندی کے خلاف عدالتی اجازت پر پابندی کا سنگل بنچ کا فیصلہ معطل کر دیا۔
لاہور ہائیکورٹ کے جسٹس جواد حسن اور جسٹس مرزا وقاص رؤف پر مشتمل ڈویژن بنچ نے ڈپٹی کمشنر کی اپیل پر سنگل بنچ کا فیصلہ معطل کر دیا۔

سنگل بنچ کے اس فیصلے کی معطلی نے پی ٹی آئی کے زیر حراست 57 کارکنوں کی رہائی بھی معطل کر دی، کسی بھی شخص اور کارکن کو بغیر اجازت کسی بھی وقت حراست میں لینے کا ڈپٹی کمشنر کا اختیار بحال کر دیا گیا۔
سماعت کے دوران سرکاری وکیل نے کہا کہ آئین اور قانون بلا وجہ نظربندی کا اختیار دیتا ہے جسے ختم یا معطل نہیں کیا جا سکتا۔
انہوں نے عدالت سے استدعا کی کہ سنگل بنچ کی جانب سے تھرڈ ایم پی او کے تحت نظر بندی کو مشروط کرنے کے فیصلے کو کالعدم قرار دیا جائے۔
بعد ازاں ڈویژن بنچ نے سنگل بنچ کا فیصلہ معطل کرتے ہوئے فریقین کو نوٹس جاری کرتے ہوئے 2 ہفتوں میں جواب طلب کر لیا۔