اردوورلڈ کینیڈا ( ویب نیوز )چیئرمین پاکستان تحریک انصاف (پی ٹی آئی) کی توشہ خانہ کیس میں سزا کی معطلی اور ضمانت کی اپیلیں سماعت کے لیے مقرر کر دی گئیں۔
چیئرمین پی ٹی آئی کی سزا کے خلاف اپیل پر سماعت 22 اگست کو اسلام آباد ہائی کورٹ میں ہوگی۔
ڈویژنل بینچ چیئرمین پی ٹی آئی کی جانب سے سزا کے خلاف اپیل کی سماعت کرے گا، 2 رکنی بینچ اسلام آباد ہائی کورٹ کے چیف جسٹس عامر فاروق اور جسٹس طارق جہانگیری پر مشتمل ہوگا۔

یاد رہے کہ سیشن جج اسلام آباد ہمایوں بابر نے چیئرمین پاکستان تحریک انصاف کو 3 سال قید اور 50 ہزار روپے جرمانے کی سزا سنائی تھی۔
پاکستان تحریک انصاف نے ٹرائل کورٹ کے فیصلے اور چیئرمین کی اٹک جیل سے اڈیالہ جیل منتقلی کے خلاف عدالت میں درخواست دائر کی تھی۔
اسلام آباد ہائی کورٹ نے سابق وزیراعظم کے اہل خانہ اور وکلا کو بھی اٹک جیل میں ان سے ملاقات کی اجازت دے دی ہے اور گزشتہ روز بشریٰ بی بی نے اٹک جیل میں اپنے شوہر سے تقریباً 2 گھنٹے ملاقات کی۔