اردوورلڈ کینیڈا ( ویب نیوز )اینٹی کرپشن ٹیم نے پنجاب پولیس کے ہمراہ زرتاج گل کے گھر پر چھاپہ مارا۔اینٹی کرپشن اور پنجاب پولیس نے ڈیرہ غازی خان میں پی ٹی آئی رہنما اور سابق وزیر مملکت زرتاج گل کے گھر پر چھاپہ مارا۔

حکام کا کہنا ہے کہ زرتاج گل پر ترقیاتی منصوبوں میں کمیشن لینے کا الزام ہے، وہ اپنے مقدمات میں تعاون نہیں کر رہی اور وہ کرپشن، کک بیکس کے کیس میں مطلوب ہیں۔
نعیم ابراہیم کے گھر پر بھی چھاپہ ماراگیا ہے
دوسری جانب عارفوالا میں اینٹی کرپشن نے پی ٹی آئی کے سابق رکن صوبائی اسمبلی چوہدری نعیم ابراہیم کے گھر پر بھی چھاپہ مارا ہے جب کہ چوہدری نعیم ابراہیم بیرون ملک ہونے کی وجہ سے ہاتھ نہیں آئے
پی ٹی آئی رہنما نعیم ابراہیم پر سرکاری اراضی پر تجاوزات کے مقدمات ہیں، چھاپہ مار ٹیم نے گھر کی مکمل تلاشی بھی لی، چھاپہ مار ٹیم میں پولیس، ایلیٹ اور اینٹی کرپشن کے اہلکار شامل تھے۔