اردوورلڈ کینیڈا ( ویب نیوز )الیکشن کمیشن آف پاکستان آج سے عام انتخابات کے معاملے پر سیاسی جماعتوں سے مشاورت شروع کرے گا۔

الیکشن کمیشن میں پی ٹی آئی اور جے یو آئی کے وفود آج ملاقات کریں گے، الیکشن کمیشن نے ملاقات کے لیے دونوں سیاسی جماعتوں کو دعوت نامے ارسال کردیئے ہیں۔
پی ٹی آئی دوپہر 2 بجے الیکشن کمیشن سے مشاورت کرے گی جب کہ جے یو آئی کا وفد 3 بجے الیکشن کمیشن سے مشاورت کرے گا۔
انتخابات کے شیڈول اور تاریخ کے حوالے سے سیاسی جماعتوں سے مشاورت کی جائے گی، الیکشن کمیشن آئندہ انتخابات کے روڈ میپ پر سیاسی جماعتوں سے بھی مشاورت کرے گا۔
الیکشن کمیشن نے شہباز شریف کو 25 اگست اور آصف زرداری کو 29 اگست کو مشاورت کے لیے مدعو کیا ہے۔