اردوورلڈ کینیڈا ( ویب نیوز )پاکستان تحریک انصاف (پی ٹی آئی) کے چیئرمین قانونی امور نعیم حیدر پنجوتھہ نے کہا ہے کہ توشہ خانہ کیس کو جان بوجھ کر لٹکایا جا رہا ہے، فوری فیصلہ دیا جائے۔
ایک بیان میں نعیم پنجو تھہ نے کہا کہ توشہ خانہ کیس میں قانون اور انصاف کا قتل کیا جا رہا ہے، آئین معطل ہو چکا ہے۔

نعیم پنجو تھہ کا کہنا ہے کہ توشہ خانہ کیس میں سزا معطلی کی درخواست پر دفعہ 426 میں نوٹس جاری کرنے کا ذکر نہیں، اسلام آباد ہائی کورٹ نے دوبارہ نوٹس کیوں جاری کیا؟
انہوں نے کہا کہ اگر نوٹس بھی دیا تھا تو ریکارڈ منگوانے کے لیے دوبارہ لمبا نوٹس کیوں جاری کیا؟ ہائی کورٹ نے سماعت طے ہونے کے باوجود 2 دن مزید وقت کیوں دیا؟
کیس کو جان بوجھ کر لٹکایا جارہا ہے ہمارا مطالبہ ہے کہ فوری طور پر فیصلہ دیا جائے۔