اردو ورلڈ کینیڈا ( ویب نیوز )چین کے صدر شی جن پنگ کی بھارت میں ہونے والی جی 20 سربراہی کانفرنس میں شرکت کا امکان نہیں ہے۔

غیر ملکی خبر رساں اداروں کے مطابق چین میں مقیم ایک بھارتی سفارتکار اور دیگر بھارتی حکام کا کہنا ہے کہ چینی وزیراعظم لی کیانگ بھارت میں ہونے والے جی ٹوئنٹی سربراہی اجلاس میں اپنے ملک کی نمائندگی کریں گے۔

امریکی صدر جو بائیڈن جی 20 سربراہی اجلاس میں شرکت کریں گے۔روسی صدر ولادیمیر پوٹن پہلے ہی G20 اجلاس میں شرکت نہ کرنے اور وزیر خارجہ سرگئی لاوروف کو بھیجنے کا اعلان کر چکے ہیں۔ G20 سربراہی اجلاس 9 اور 10 ستمبر کو نئی دہلی میں منعقد ہوگا۔ چین نے صدر شی جن پنگ کے دورہ بھارت کے حوالے سے کوئی سرکاری بیان جاری نہیں کیا ہے۔