اردوورلڈ کینیڈا ( ویب نیوز )عوامی مسلم لیگ کے سربراہ اور سابق وفاقی وزیر داخلہ شیخ رشید احمد نے کہا ہے کہ 13 جماعتیں اور ان کے رہنما عوام کو معاشی عذاب میں ڈال کر بھاگ گئے ہیں اور ملبہ نگران حکومت پر ڈال رہے ہیں۔
شیخ رشید نے سماجی رابطے کی ویب سائٹ ٹوئٹر (X) پر کہا کہ ایک لندن گیا، دوسرا دبئی، تیسرا سعودی عرب گیا اور عوام کو بیچارے سڑکوں پر دھکے کھا رہے ہیں، کل کی شٹر ڈاؤن ہڑتال نے یہ ثابت کردیا ہے کہ کاروباری شعبہ بھی مسائل سے دوچار ہے۔
13 پارٹیاں اور اُس کے لیڈر عوام کو معاشی عذاب میں ڈال کر خود بھاگ گئے ہیں اور ملبہ نگران حکومت پر ڈال رہے ہیں ایک لندن میں دوسرا دبئی میں تیسرا سعودی عرب میں چلا گیا ہےاور عوام بیچارے سڑکوں پر دھکے کھا رہے ہیں کل کی شٹر ڈاؤن ہڑتال نے بھی ثابت کیا ہے کہ کاروباری طبقہ بھی مسائل کے…
— Sheikh Rashid Ahmed (@ShkhRasheed) September 3, 2023
انہوں نے کہا کہ 48 گھنٹے میں بجلی میں ریلیف دینے کی بات ہوئی، ایک ہفتہ گزرنے کے باوجود کوئی نتیجہ نہیں نکلا سیاست میں بات چیت کے دروازے کبھی بند نہیں ہوتے۔
سابق وفاقی وزیر نے کہا کہ ڈنڈا بردار مسائل کا حل نہیں، حالات کو بہتر کرنا ہو گا۔ افسوس کی بات ہے کہ عدلیہ کے فیصلوں کو بھی نہیں مانا جا رہا۔ اس وقت پاکستان کو سیاسی استحکام کی اشد ضرورت ہے۔ اگر ایسا نہ ہوا تو صورتحال سنگین اور سنگین تر ہو جائے گی۔
عوامی مسلم لیگ کے سربراہ شیخ رشید نے مزید کہا کہ ستمبر اہم ترین مہینہ ہے، دیکھنا یہ ہے کہ یہ عوام کے لیے غم کا ہو گا یا خوشی کا۔
