اردوورلڈ کینیڈا ( ویب نیوز )سابق وزیراعظم میاں نواز شریف 15 اکتوبر کو لندن سے وطن واپس روانہ ہوں گے۔مسلم لیگ (ن) کے ذرائع کے مطابق مسلم لیگ (ن) کے قائد اور سابق وزیراعظم نواز شریف 15 اکتوبر کو چارٹرڈ کے بجائے مسافر طیارے کے ذریعے پاکستان روانہ ہوں گے اور لاہور پہنچیں گے

، ان کی صاحبزادی اور پارٹی چیف آرگنائزر مریم نواز ان کا استقبال کریں گی جو تیاریوں میں مصروف ہیں۔پارٹی ذرائع کا کہنا ہے کہ نواز شریف نے اسلام آباد کے بجائے لاہور آنے کا فیصلہ کیا ہے اور ان کی وطن واپسی عام پرواز سے ہوگی۔پارٹی ذرائع کے مطابق نواز شریف نے استقبالیہ کے لیے مرکزی قیادت کو ٹاسک سونپ دیا ہے، مریم نواز استقبالیہ کے معاملات کی نگرانی کر رہی ہیں اور تنظیمی عہدیداروں کو ہدایت کی گئی ہے کہ زیادہ سے زیادہ لوگوں کو استقبالیہ میں لائیں۔