اردوورلڈ کینیڈا ( ویب نیوز)پاکستان تحریک انصاف (پی ٹی آئی) کے صدر چوہدری پرویز الٰہی کا کہنا ہے کہ چوہدری شجاعت حسین نے خود انہیں پی ٹی آئی میں بھیجا تھا۔

پرویز الٰہی نے اسلام آباد کی عدالت میں پیشی کے موقع پر صحافیوں سے غیر رسمی گفتگو کی۔ ان کا کہنا تھا پریس کانفرنس کا کوئی ارادہ نہیں ہے
انسداد دہشت گردی کی عدالت نے پرویز الٰہی کو دو روزہ جسمانی ریمانڈ پر پولیس کے حوالے کردیا۔
پرویز الٰہی سے پوچھا گیا کہ آپ ق لیگ میں واپس کیوں نہیں جارہے؟ جس پر پرویز الٰہی نے جواب دیا کہ انہیں شجاعت حسین نے خود پی ٹی آئی میں بھیجا تھا۔
جس کے بعد پرویز الٰہی سے سوال کیا گیا کہ شجاعت حسین خود پی ٹی آئی میں کیوں نہیں آتے؟
جس پر پرویز الٰہی نے کہا کہ سالک حسین کی وجہ سے شجاعت حسین پی ٹی آئی میں نہیں آتے کیونکہ سالک حسین کو وزیر بننے کا بہت شوق تھا۔