اردوورلڈ کینیڈا ( ویب نیوز)ملکی معیشت کی بہتری کے لیے آرمی چیف جنرل سید عاصم منیر کی کوششوں کے بھارت میں بھی چرچے ہونے لگے۔سماجی رابطے کی ویب سائٹ ایکس پر ایک صارف عادل آصف نے ایک بھارتی نیوز چینل کی ویڈیو شیئر کی جس میں نیوز کاسٹر مہنگائی سے نمٹنے اور معیشت کو مستحکم کرنے کے لیے پاکستانی آرمی چیف کی کوششوں کی تعریف کر رہے ہیں۔

نیوز کاسٹر کا کہنا تھا کہ جو چاہو کرو، پاکستان کو آگے بڑھنے سے کوئی نہیں روک سکتا کیونکہ پاکستانی فوج کے سربراہ نے ملک کو معاشی بحران سے نکالنے کے لیے محاذ سنبھال لیا ہے۔ وہ دوست ممالک سے بھی بات کر رہے ہیں۔
بھارتی صحافی کا کہنا تھا کہ اگرچہ یہ کام کافی مشکل ہے کیونکہ گزشتہ ایک سال میں حکومت پاکستان لاکھ کوششوں کے باوجود ملک کی حالت بہتر نہیں کر سکی، ایسے میں آرمی چیف جنرل سید عاصم منیر نے ملک کی باگ ڈور سنبھالی
نیوز کاسٹر کے مطابق پاک فوج گزشتہ ایک سال میں ملک چھوڑنے والے بڑے تاجروں کو واپس لانے کی کوشش کر رہی ہے۔
نیوز کاسٹر کا کہنا ہے کہ آرمی چیف جنرل سید عاصم منیر کی کوششوں سے یہ کاروباری افراد زراعت، کان کنی اور آئی ٹی کے شعبے میں بڑا انقلاب لائیں گے۔