اردو ورلڈ کینیڈا ( ویب نیوز ) 10 سال کی منصوبہ بندی اور تعمیر کے بعد چین نے دنیا کا سب سے بڑا آبی سائنس پارک کھول دیا ہے جس کا بیرونی حصہ کسی سائنس فکشن فلم کے دیوہیکل اسپیس شپ جیسا لگتا ہے۔

ژوہائی صوبے میں واقع اس پارک کا پورا نام ‘Zhuhai Chimelong Marine Science Park’ ہے جس کا کل رقبہ 400,000 مربع میٹر ہے جس میں 50,000 افراد بیٹھ سکتے ہیں۔ دنیا کے سب سے بڑے ایکویریم میں ایک لاکھ آبی جانور، مچھلیاں اور 300 مختلف انواع کے دیگر جاندار رکھے گئے ہیں۔

یہ بھی پڑھیں

 روسی کمپنی کا دنیا کا مہنگا ترین آئی فون 14’ڈائمنڈ سنو فلیک ڈیزائن پیش

سائنس پارک میں 10 مختلف تھیمز پر نمائشیں ہیں جن میں زندہ مرجان اور مرجان کی 100 اقسام شامل ہیں۔ اگرچہ اسے 2021 میں کھولنا تھا لیکن اب کچھ تاخیر کے بعد اسے عوام کے لیے کھول دیا گیا ہے۔سائنس پارک کے نام دو ریکارڈ ہیں، ایک ایکویریم جس میں سب سے بڑی کھڑکی ہے اور دوسرا سب سے بڑا زندہ مرجان ٹینک ہے۔پورے پروجیکٹ میں ایک ریستوراں اور رہائش بھی بنائی گئی ہے۔ اس منصوبے پر ایک بلین ڈالر سے زائد خرچ ہو چکے ہیں اور سب سے بڑھ کر یہ مکمل طور پر انڈور میرین پارک ہے۔