نیویارک میں جنرل اسمبلی کے اجلاس کے موقع پر نگران وزیراعظم انوار الحق کاکڑ نے کہا کہ ترقی پذیر ممالک کے پاس ترقیاتی اہداف حاصل کرنے کے لیے وسائل کی کمی ہے۔نگران وزیراعظم نے گلوبل ڈویلپمنٹ انیشیٹو کے اجلاس میں بھی شرکت کی جہاں انہوں نے کہا کہ چین کا بیلٹ اینڈ روڈ انیشیٹو اور سی پیک پائیدار ترقی کے اہداف کے حصول میں اہم ہیں۔
ایرانی صدر ابراہیم رئیسی سے ملاقات

نگران وزیراعظم انوارالحق کاکڑ نے ایرانی صدر ابراہیم رئیسی سے بھی ملاقات کی جس میں انہوں نے کہا کہ پاکستان ایران کے ساتھ قریبی برادرانہ تعلقات کو مزید وسعت دینا چاہتا ہے
نگرا ن وزیراعظم نے مزید کہا کہ پاک ایران تعلقات میں اہم علاقائی اور عالمی امور پر اتحاد اور باہمی دلچسپی کے تمام شعبوں میں مضبوط تعاون شامل ہے۔