بشریٰ بی بی اپنے وکیل سلمان صفدر کے ہمراہ 12 بجے عدالت پہنچیں گی۔ واضح رہے کہ بشریٰ بی بی کے خلاف تھانہ کوہسار میں مقدمہ درج کیا گیا تھا۔
دوسری جانب اسلام آباد کی احتساب عدالت نے بشریٰ بی بی کے خلاف توشہ خانہ اور 190 ملین پاؤنڈ سکینڈل کیس کی سماعت بھی دوپہر 12 بجے مقرر کر دی۔
احتساب عدالت کے جج محمد بشیر نے استفسار کیا کہ بشریٰ بی بی کہاں ہیں؟ پی ٹی آئی کے معاون وکیل نے عدالت کو بتایا کہ بشریٰ بی بی دوپہر 12 بجے احتساب عدالت پہنچیں گی۔
معاون وکیل نے کہا کہ وکیل لطیف کھوسہ مصروف ہیں، وہ چیئرمین پی ٹی آئی کا سا ئفرکیس سننے اٹک جیل گئے ہیں، بشریٰ بی بی 12 بجے ان کے ساتھ آئیں گی۔
نیب پراسیکیوٹر نے کہا کہ ہم ہر وقت صبح پہنچ جاتے ہیں، جج محمد بشیر دونوں کیسز میں بشریٰ بی بی کی درخواست ضمانت کی سماعت کریں گے۔
بشریٰ بی بی آج 2 عدالتوں میں پیش ہوں گی۔
چیئرمین پی ٹی آئی کی اہلیہ بشریٰ بی بی آج اسلام آباد کی 2 عدالتوں میں پیش ہوں گی، سابق خاتون اول 190 ملین پاونڈ سکینڈل اور توشہ خانہ کیس میں احتساب عدالت میں پیش ہوں گی۔
واضح رہے کہ سابق خاتون اول اور چیئرمین پی ٹی آئی کی اہلیہ بشریٰ بی بی کی آج تک 190 ملین پاؤنڈز سکینڈل اور توشہ خانہ کیس میں ضمانت ہو چکی ہے۔