پاکستان مسلم لیگ (ن) کے یوتھ رضاکاروں کا اجلاس سینئر نائب صدر و چیف آرگنائزر مریم نواز شریف کی زیر صدارت منعقد ہوا۔ 21 اکتوبر کو استقبالیہ کے حوالے سے مشاورت ہوئی، مریم نواز نے یوتھ رضا کاروں کے جوش و جذبے کو خراج تحسین پیش کیا۔
اس موقع پر گفتگو کرتے ہوئے مریم نواز نے کہا کہ نواز شریف بھی آپ سے اور عوام سے بہت پیار کرتے ہیں۔ 21 اکتوبر کو عوام ثابت کر دیں گے کہ لیڈر صرف نواز شریف ہے۔ نواز شریف پاکستان کو بحرانوں سے نکالنے آرہے ہیں۔ ، اللہ تعالیٰ نے نواز شریف کو ہمیشہ سرخرو کیا۔
پاکستان مسلم لیگ (ن) یوتھ والنٹئیرز کا اجلاس
سینئر نائب صدر اور چیف آرگنائزر مریم نواز شریف نے اجلاس کی صدارت کی
مریم نواز شریف کی اجلاس میں آمد پر یوتھ والنٹیئرز کا پرجوش نعروں سے زبردست استقبال
اجلاس میں قائد محمد نواز شریف کے 21 اکتوبر کو استقبال کے حوالے سے مشاورت کی… pic.twitter.com/UioynGcd4V
— PMLN (@pmln_org) October 1, 2023
مسلم لیگ ن کے چیف آرگنائزر نے کہا کہ نظام کی اصلاح اور عوام کی فلاح نواز شریف کا نصب العین ہے۔ میں ہمیشہ کہتی ہوں کہ نواز شریف کی دی ہوئی ترقی کو ہٹا دیا جائے تو پاکستان میں صرف کھنڈرات ہی رہ جائیں گے۔ نواز شریف عوام کو مہنگائی سے بچائیں گے۔ مسلم لیگ ن نوجوانوں اور کارکنوں کے لیے روزگار، امن اور ترقی کے نئے دور کا آغاز کرے گی۔
اس موقع پر اجلاس کے شرکاء کا کہنا تھا کہ وہ 21 اکتوبر کو اپنے قائد نواز شریف کا پرتپاک استقبال کریں گے، اپنے بچوں اور اہل خانہ سمیت قوم کے مسیحا کا استقبال کریں گے۔
