۔نگران وزیراعلیٰ پنجاب محسن نقوی کی زیر صدارت اہم اجلاس ہوا جس میں یکم نومبر سے پنجاب میں غیر قانونی مقیم غیر ملکیوں کے خلاف کارروائی کے حوالے سے اقدامات کا جائزہ لیا گیا۔

پنجاب حکومت نے غیر قانونی طور پر مقیم افراد کو 31 اکتوبر تک پنجاب چھوڑنے کا حکم دیا ہے۔

اس سلسلے میں تمام متعلقہ اداروں اور ایجنسیوں کو ضروری اہداف تفویض کیے گئے، اجلاس میں 9 مئی کے واقعات میں ملوث ملزمان کے خلاف درج مقدمات کے چالان کے حوالے سے پیش رفت کا بھی جائزہ لیا گیا۔

اجلاس میں چیف سیکرٹری، آئی جی پولیس، ایڈیشنل چیف سیکرٹری، سیکرٹری قانون اور دیگر متعلقہ حکام نے شرکت کی، کمشنرز اور آر پی اوز ویڈیو لنک کے ذریعے اجلاس میں موجود تھے۔