اسحاق ڈار نے کہا کہ الیکشن اگلے ماہ ہونے چاہئیں، ہمیں کوئی اعتراض نہیں، آئین کے مطابق حلقہ بندیوں کی حد بندی کی جا رہی ہے، جس کے بعد الیکشن ہو گا، پی ٹی آئی کو الیکشن لڑنا چاہیے، مجھے نہیں معلوم کہ وہ الیکشن لڑیں گے یا نہیں ؟
سابق وفاقی وزیر خزانہ نے کہا کہ مجھے پوری امید ہے کہ پی ٹی آئی الیکشن لڑے گی اور بائیکاٹ نہیں کرے گی۔ پارٹی میں میرے علاوہ کوئی اور وزیر خزانہ ہو سکتا ہے۔ شہباز شریف نواز شریف کا ساتھ دیں گے۔ میرا مشورہ ہے کہ شہباز شریف وفاق میں رہیں۔
اسحاق ڈار نے کہا کہ نواز شریف کے کیسز کے فیصلے میں چند ہفتے لگیں گے، نواز شریف وزارت عظمیٰ کے امیدوار ہیں، سابق چیف جسٹس نے کہا ہے کہ تاحیات نااہلی نہیں ہونی چاہیے، پارٹی قیادت وقت آنے پر پنجاب سے متعلق فیصلہ کرے گی۔ .
سابق وفاقی وزیر خزانہ نے مزید کہا کہ ہمارا بیانیہ آج بھی اہم ہے اور رہے گا۔ ہم چیئرمین پی ٹی آئی کی طرح نہیں ہیں۔ چیئرمین پی ٹی آئی کو بھی وہ لوگ چھوڑ گئے جنہوں نے پی ٹی آئی کو بنانا تھا۔ چارٹر آف ڈیموکریسی میرے دل کو عزیز ہے۔
