دوسری جانب فلسطینی طبی ٹیم کا کہنا ہے کہ غزہ کے سب سے بڑے ہسپتال میں اسرائیلی کارروائیوں کی وجہ سے وہ سینکڑوں مریضوں اور ہسپتال کے عملے کے لیے پریشان ہو گئے ہیں۔

یہ بھی پڑھیں 

اسرائیل کا الشفاء ہسپتال پر حملہ،حماس کے کمانڈ سینٹر کو نشانہ بنایا

اسی تناظر میں حماس نے رواں ہفتے کہا تھا کہ غزہ کی پٹی میں اسرائیلی حملوں اور زمینی کارروائیوں کے باعث 35 میں سے 25 ہسپتال ناقابل استعمال ہو چکے ہیں، جب کہ اسرائیل نے 94 سرکاری عمارتوں اور 253 سکولوں کو بھی تباہ کر دیا ہے۔

میڈیا رپورٹس کے مطابق اقوام متحدہ کے انسانی حقوق کے ڈائریکٹر لوئس چاربونیو کا کہنا ہے کہ بین الاقوامی انسانی قانون کے تحت ہسپتالوں کو خصوصی تحفظ حاصل ہے اور اسی لیے ڈاکٹروں، نرسوں، ایمبولینسوں اور ہسپتال کے دیگر عملے کو اپنا کام کرنے دیا جانا چاہیے۔دوسری جانب اسرائیل نے اپنے بیان میں کہا ہے کہ اسرائیلی کمانڈوز اب بھی الشفاء ہسپتال میں حماس کی تلاش کے لیے آپریشن کر رہے ہیں۔