105
پی ٹی آئی کے وکیل بیرسٹر گوہر نے کہا کہ بلے کا نشان پی ٹی آئی کے پاس رہے گا۔
ترجمان تحریک انصاف کا کہنا ہے کہ کور کمیٹی چیئرمین کی ہدایات کی روشنی میں پارٹی انتخابات سے متعلق ایکشن پلان طے کرے گی۔
دوسری جانب تحریک انصاف کے سینئر رہنما حامد خان نے کہا کہ اس وقت پارٹی قیادت اور کارکنان جیل میں ہیں یا روپوش ہیں، ان حالات میں انٹرا پارٹی الیکشن کرانا مشکل ہے۔
انہوں نے کہا کہ الیکشن کمیشن کا فیصلہ درست نہیں، چیئرمین پی ٹی آئی کو پارٹی الیکشن لڑانے پر غور کریں گے۔
یاد رہے کہ گزشتہ روز الیکشن کمیشن نے پی ٹی آئی کے انٹرا پارٹی الیکشن کو مسترد کرتے ہوئے 20 روز میں انٹرا پارٹی الیکشن کرانے کی ہدایت کی تھی۔
الیکشن کمیشن نے اپنے فیصلے میں کہا تھا کہ پی ٹی آئی کے انٹرا پارٹی انتخابات شفاف نہیں تھے اور ایسے انتخابات کو قبول نہیں کیا جا سکتا۔
