76
اردوورلڈ کینیڈا ( ویب نیوز )سموگ سے بچاؤ کے لیے لاہور سمیت پنجاب کے 10 اضلاع میں لاک ڈاؤن کا آج دوسرا دن ہے۔
لاہور، فیصل آباد، گوجرانوالہ، ملتان، ساہیوال اور سرگودھا ڈویژن میں آج بھی تمام نجی اور سرکاری تعلیمی ادارے بند ہیں جب کہ تمام شہروں میں بازار تین بجے کھلیں گے اور اتوار کو تمام کاروبار بند رہیں گے۔
دوسری جانب محکمہ موسمیات نے کراچی سمیت ملک کے مختلف شہروں میں موسلادھار بارش کی پیشگوئی کی ہے۔
محکمہ موسمیات کے مطابق آج بلوچستان میں تیز ہواؤں اور گرج چمک کے ساتھ بارش کا امکان ہے جب کہ سندھ کے بعض اضلاع میں آندھی اور بارش کا امکان ہے۔
کراچی میں موسم ابر آلود رہے گا جبکہ بارش سے درجہ حرارت میں کمی آئے گی۔
اس کے علاوہ محکمہ موسمیات نے پنجاب میں صبح کے اوقات میں سموگ اور دھند کی بھی پیش گوئی کی ہے۔
