ساتھ ہی مظاہرین نے امریکی صدر جو بائیڈن سے مطالبہ کیا کہ وہ نسل کشی میں اسرائیل کا ساتھ نہ دیں۔دوسری جانب اسپین کے شہر بارسلونا میں ہزاروں شہریوں نے فلسطینی عوام سے اظہار یکجہتی کے لیے مظاہرہ کیا اور عارضی جنگ بندی میں توسیع کا مطالبہ بھی کیا۔گلاسگو میں بھی فلسطینی حامی ریلی نکالی گئی اور مستقل جنگ بندی کی حمایت کی گئی۔ مراکش کے شہر کاسا بلانکا میں بھی اسرائیلی جارحیت کے خلاف احتجاجی مظاہرہ کیا گیا اور مستقل جنگ بندی کا مطالبہ بھی کیا گیا۔

واضح رہے کہ 7 اکتوبر سے غزہ پر جاری اسرائیلی بمباری میں اب تک 14 ہزار 850 سے زائد فلسطینی شہید اور 36 ہزار سے زائد زخمی ہو چکے ہیں۔غزہ میں حماس اور اسرائیل کے درمیان 4 روزہ عارضی جنگ بندی کا آج آخری دن ہے اور دونوں فریق معاہدے کے تحت ایک دوسرے کے قیدیوں کو رہا کر رہے ہیں۔