ایک بیان میں نیتن یاہو نے کہا کہ وہ جنگ بندی میں توسیع کا خیرمقدم کریں گے۔دوسری جانب حماس کا کہنا ہے کہ فوجی قیدیوں کی رہائی کی وہ قیمت نہیں ہوگی جو عام شہریوں کی رہائی کے بدلے اسرائیل ادا کرتا ہے۔حماس کا کہنا ہے کہ قطری ثالثی کے معاہدے کے تحت روزانہ مزید 10 یرغمالیوں کو رہا کیا جا سکتا ہے۔
واضح رہے کہ 7 اکتوبر سے غزہ پر جاری اسرائیلی بمباری میں اب تک 14 ہزار 850 سے زائد فلسطینی شہید اور 36 ہزار سے زائد زخمی ہو چکے ہیں۔غزہ میں حماس اور اسرائیل کے درمیان 4 روزہ عارضی جنگ بندی کا آج آخری دن ہے اور دونوں فریق معاہدے کے تحت ایک دوسرے کے قیدیوں کو رہا کر رہے ہیں۔دوسری جانب الجزیرہ نیوز نے صہیونی انتظامیہ کے انتہائی ظالمانہ اور غیر انسانی رویے کا انکشاف کیا ہے۔