غیر ملکی میڈیا کے مطابق حماس کے عسکری ونگ القسام بریگیڈز کی جانب سے رہا کیے گئے تمام یرغمالی دوہری شہریت کے حامل ہیں جن میں 3 فرانسیسی، 2 جرمن اور 6 ارجنٹائن کے شہری شامل ہیں۔

واضح رہے کہ کئی روز کی بمباری کے بعد اسرائیل اور حماس نے 3 روز قبل 4 روزہ عارضی جنگ بندی کا اعلان کیا تھا۔

عارضی جنگ بندی کے بعد چار دنوں کے دوران حماس نے 39 اسرائیلی شہریوں سمیت 58 یرغمالیوں کو رہا کیا جب کہ 117 فلسطینی خواتین اور بچوں کو اسرائیل نے رہا کیا۔

مغربی طاقتوں کے کہنے پر اسرائیل نے 44 روز تک محصور غزہ پر حملے جاری رکھے۔ وحشیانہ بمباری میں 14500 سے زائد فلسطینی شہید ہوئے جن میں بڑی تعداد میں بچے اور خواتین بھی شامل ہیں۔