گھنگریالے اور گھنگھریالے بالوں کو بھنڈی سے درست کیا جا سکتا ہے کیا جا سکتا ہے۔ یہ سبزی بالوں کو نرم بنانے کے ساتھ ساتھ انہیں مضبوط بنانے میں بھی مدد دیتی ہے اور بالوں کو گرنے سے روکتی ہے۔ یہ کیمیکلز، اعلی درجہ حرارت کے آلات جیسے ہیئر ڈرائر، فلیٹ آئرن، اور کرلنگ آئرن، اور موسمی حالات جیسے ہوا، گرمی، نمی، آلودگی اور دھول سے خراب ہونے والے بالوں کی مرمت کرتا ہے۔
بھنڈی میں کیراٹین ہوتا ہے؟
بھنڈی فائبر، آئرن، بیٹا کیراٹین، وٹامن سی، وٹامن اے، کیلشیم، فولیٹ، میگنیشیم اور فاسفورس سے بھرپور ہوتی ہے۔ جو جسم اور بالوں دونوں کے لیے بہترین ہے۔
بھنڈی سے کیراٹین مکسچر بنانے کا طریقہ
سب سے پہلے 8 بڑی بھنڈی لیں اس کو چھوٹے چھوٹے ٹکڑوں میں کاٹ لیں اور ایک پین میں پانی ڈال کر دس منٹ تک ابالیں، جب یہ جیل کی طرح مکسچر بن جائے تو چولہا بند کر کے مکمل ٹھنڈا ہونے دیں۔ اس کے بعد جیل کو بھنڈی کے ساتھ پیس لیں اور ململ کے کپڑے سے چھان لیں۔ اب ایک پیالے میں ایک چمچ کارن فلور اور تھوڑا سا پانی ملا کر جیل مکسچر میں شامل کریں۔ اب اس مکسچر کو ایک پین میں ہلکی آنچ پر رکھیں اور چمچ کی مدد سے ہلاتے رہیں۔ جب یہ کریمی ہو جائے تو اسے آنچ سے اتار کر دیگچی میں ڈال کر ٹھنڈا ہونے دیں۔ اس میں ایک چمچ ناریل کا تیل اور ایک چمچ میٹھے بادام کا تیل ڈال کر اچھی طرح مکس کریں۔ آپ کا کیراٹین جیل مکسچر تیار ہے۔
بالوں پر لگانے کا طریقہ
سب سے پہلے اپنے بالوں کو الگ الگ حصوں میں تقسیم کریں، پھر اس جیل کو ہر حصے پر اچھی طرح لگائیں، لگانے کے بعد اپنے بالوں کو شاور کیپ سے ڈھانپ لیں۔ اس مکسچر کو اپنے بالوں میں دو گھنٹے کے لیے لگا رہنے دیں اور پھر اپنے بالوں کو پانی سے دھو لیں۔ یاد رکھیں کہ اس مکسچر کو لگانے کے بعد اپنے بالوں کو شیمپو سے نہ دھویں۔
