نگراں وفاقی وزیر فواد حسن فواد کی زیر صدارت نجکاری کمیشن بورڈ کا اجلاس ہوا، جس میں روز ویلٹ ہوٹل کی نجکاری اور جوائنٹ وینچر ڈویلپمنٹ کے لیے فنانشل ایڈوائزر کی تقرری کی منظوری دی گئی، جب کہ مالیاتی خدمات کے معاہدے پر عملدرآمد سے متعلق امور پر اتفاق کیا گیا۔
وزارت نجکاری کی جانب سے جاری اعلامیے کے مطابق نجکاری کمیشن بورڈ کے اجلاس میں نندی پور پاور پلانٹ اور گڈو پاور پلانٹ کو نجکاری کی فہرست سے ڈی لسٹ کرنے کی سفارش کی گئی ہے۔کابینہ کمیٹی برائے نجکاری دونوں پاور پلانٹس کو ڈی لسٹ کرنے کی منظوری دے گی۔ اجلاس میں معاہدے پر عملدرآمد کی نگرانی کے لیے ٹرانزیکشن کمیٹی کی منظوری دی گئی۔ پاک چائنا فرٹیلائزر لمیٹڈ کی نجکاری کے بعد کے معاملات پر بھی غور کیا گیا۔