گزشتہ روز ٹریفک پولیس نے پنجاب بھر میں 74000 سے زائد ڈرائیونگ لرنر پرمٹ جاری کئے۔ لاہور میں 24000 سے زائد لائسنس جاری کیے گئے جو کہ پنجاب کے تمام اضلاع میں سب سے زیادہ ہے۔

ٹریفک پولیس نے رش کو دیکھتے ہوئے لائسنسنگ سنٹرز میں ڈیوٹی کے اوقات کے ساتھ ساتھ عملے کی تعداد بھی بڑھا دی ہے

ایڈیشنل آئی جی ٹریفک مرزا فاران بیگ نے کہا کہ پنجاب کے دیگر اضلاع بھی بہت محنت کر رہے ہیں۔ کم عمر ڈرائیوروں کے خلاف کریک ڈاؤن کے بعد ڈرائیونگ سینٹرز میں کافی رش ہے۔

لاہور میں جاری کریک ڈاؤن کے باعث شہریوں نے چھٹی کے روز بھی ڈرائیونگ لائسنس کے حصول کے لیے بڑی تعداد میں دفاتر کا رخ کیا۔

ٹریفک پولیس نے نومبر کے مہینے میں 02 لاکھ 80 ہزار 518 نئے لرنر پرمٹ جاری کئے۔ 82 ہزار سے زائد شہریوں نے اپنے لرنر پرمٹ کی تجدید کروائی۔ 19 ہزار 761 شہریوں نے نئے لائسنس حاصل کیے جبکہ 18 ہزار 312 شہریوں نے لائسنس کی تجدید کرائی۔ 1623 بین الاقوامی لائسنس، 01 ہزار 817 ڈپلیکیٹ لائسنس جاری کیے گئے