غیر ملکی نشریاتی ادارے کے مطابق، کیلیفورنیا میں وفاقی استغاثہ نے پیر کو کہا کہ جیکب نے سوشل میڈیا پر اپنی فالوونگ بڑھانے اور مالی فائدہ حاصل کرنے کے لیے یہ جرم کیا، جسے برداشت نہیں کیا جا سکتا۔30 سالہ یوٹیوبر پائلٹ ٹریور جیکب نے دسمبر 2021 میں کیلیفورنیا میں اپنا طیارہ اڑایا اور یوٹیوب چینل کے لیے فلم بھی بنائی۔ اس دوران اس نے پیراشوٹ کے ذریعے طیارے سے چھلانگ لگا دی اور طیارے کو زمین پر گرنے دیا۔

طیارہ زمین پر گر کر تباہ ہوگیا اور اس سارے خطرناک منظر کی ویڈیو اپنے یوٹیوب چینل پر اپ لوڈ کردی۔ اس ویڈیو کو تقریباً 30 لاکھ افراد دیکھ چکے ہیں اور فالوورز کی تعداد میں بھی تیزی سے اضافہ ہوا ہے۔امریکہ کی فیڈرل ایوی ایشن ایڈمنسٹریشن نے یوٹیوبر جیکب کو اپنے طیارے کو جان بوجھ کر تباہ کرنے اور کسی بڑے حادثے کا امکان بڑھانے کے الزام میں گرفتار کر لیا اور اس کا ہوائی جہاز اڑانے کا لائسنس منسوخ کر دیا۔