ایف سی بلوچستان کی کسٹم اور دیگر اداروں کے ہمراہ مستونگ، نوشکی، ڈیرہ مراد جمالی کے مختلف علاقوں میں انسداد اسمگلنگ کی 6 کارروائیوں میں 11 ہزار کلو سے زائد چینی، 30 ہزار بوریاں یوریا کھاد اور دیگر ممنوعہ اشیاء کی سمگلنگ ناکام بنا دی گئی۔ ضبط کی گئی اشیاء میں سگریٹ، گٹکا، کپڑا، ٹائر، گاڑیوں کا تیل اور کروڑوں مالیت کی دیگر اشیاء شامل ہیں۔

اسمگلر ٹرکوں اور مسافر بسوں میں چھپائے گئے ان سامان کو کراس اسمگل کر رہے تھے، سامان ضبط کر کے کسٹم حکام کے حوالے کر دیا گیا۔ ان ہی اسمگلروں نے اب لکپاس پر سڑک بلاک کر دی ہے، اور اپنے ضبط کیے گئے سامان کی رہائی کا مطالبہ کر رہے ہیں۔ذرائع کے مطابق ایف سی بلوچستان نے کارروائی کرتے ہوئے مسافر بسوں کو چیک کیا اور چینی، یوریا کھاد اور دیگر ممنوعہ اشیاء قبضے میں لے لیں۔