انٹرنیشنل آرگنائزیشن فار مائیگرنٹس (IOM) کے مطابق زندہ بچ جانے والوں نے بتایا کہ کشتی لیبیا کے شمال مغربی ساحل سے روانہ ہوئی تھی، جس میں زیادہ تر افراد نائیجیریا، گیمبیا اور دیگر افریقی ممالک سے آئے تھے۔ آئی او ایم کے مطابق لیبیا میں ڈوبنے والی کشتی پر سوار افراد میں بچے اور خواتین بھی شامل تھیں۔

یہ بھی پڑھیں

انگلش چینل میں کشتی ڈوب گئی، 6 تارکین وطن ہلاک،50 کو بچا لیا گیا ، 10 لاپتہ

آئی او ایم کے ترجمان فلاویو ڈی جیاکومو کے مطابق اس سال بحیرہ روم کے تارکین وطن کے راستے پر 2,250 سے زائد افراد اپنی جانیں گنوا چکے ہیں، یہ اعداد و شمار بدقسمتی سے ظاہر کرتے ہیں کہ سمندر میں جان بچانے کے لیے کیے گئے اقدامات اب تک ناکافی ہیں۔جون میں یونانی پانیوں میں لیبیا سے اٹلی جانے والی کشتی ایڈریانا کے ساتھ پیش آنے والے واقعے میں بھی 750 افراد ہلاک ہو گئے تھے۔